Amerikalı müğənni Madonnanın qızı, 29 yaşlı Lourdes Leon Paris Moda Həftəsi çərçivəsində “Ottolinger” şousunda çox cəsarətli qara şəffaf don altında alt paltarı olmadan görünüb.

Sfera.az bildirir ki, Madonnanın qızı cəsarətli görünüşü ilə hər kəsi heyrətləndirib. O, son dərəcə cəsarətli geyim altında bədəni ilə diqqət çəkib.

Lourdes Fransa paytaxtındakı bir oteldən çıxarkən, qara gödəkçə və qara çantada görüntülənib. O, uzun tünd saçlarını dalğalı şəkildə düzəldib və hündürdaban ayaqqabılarla bədən quruluşunu vurğulayıb.

Madonnanın qızı 2026/2027 payız/qış kolleksiyası üçün qadın geyimlərinin nümayiş olunduğu ulduzlu moda şousunda ön sırada əyləşərək, olduqca pozitiv görünüb.

Qeyd edək ki, Madonna rejissor Qay Riçidən Rokko adlı bir oğlu və aktyor Karlos Leondan Lourdes Leon adlı bir qız dünyaya gətirib. O, 2007-ci ildə, dörd yaşında və malyariyadan əziyyət çəkən Madge Mercy adlı başqa bir qızı övladlığa götürüb.

Məşhur həmçinin 2006-cı ildə, 13 aylıq Devid adlı oğlan övladlığa götürüb. Ester və Stelli adlı əkizlər isə 2017-ci ilin əvvəllərində Malavidən övladlığa götürülüblər.

Lourdesə gəldikdə isə, o, məşhur anasının yolunu davam etdirir və musiqi karyerası ilə məşğuldur. 2022-ci ilin avqust ayında o, ilk solo sinqlı olan "Lock & Key" və ona çəkilmiş klipini təqdim edib.

Yeniyetməlik illərində Leon anasının 2012-ci ildə çıxardığı "Superstar" mahnısında bek vokalda oxuyub və ulduzun onun haqqında yazdığı mahnını ifa edib. Lourdes əvvəllər “Burberry”, Rihannanın “Savage X Fenty”, “Mugler”, “Calvin Klein” və “Marine Serre” üçün modellik edib.

Aynil

Madonnanın qızının alt paltarsız görüntüsü gündəm oldu - FOTOLAR