Amerikanı İkinci Dünya Müharibəsinə sövq edən Pearl Harbor hücumu dünya tarixinin gedişatını dəyişdirən bir hadisədir. Pearl Harbor hücumunu başladan Yaponiya Birinci Dünya Müharibəsindən sonra super güc olmağı hədəfləmişdi. Dünya iqtisadiyyatına hakim olmaq və münbit torpaqlara nəzarət etmək istəyi bir çox mənfi nəticələrə səbəb oldu. Amerikanın Pearl Harbor hücumundan sonra ilk və son dəfə istifadə etdiyi atom bombası milyonlarla insanın ölümünə səbəb oldu. Bəs Pearl Harbor hücumu nə vaxt başladı və neçə Amerika əsgəri öldü?

Sfera.az mövzu ilə bağlı maraqlı təfərrüatları təqdim edir.

Çin-Yaponiya müharibəsi və Amerika ilə Yaponiya arasındakı münasibətlər Pearl Harbor hücumunun yolunu açdı. Meiji sülaləsindən sonra Yaponiya varlı bir ölkə olmaq, Amerika və Avropa güclərinin gücünə bərabər güclü bir orduya sahib olmaq siyasəti yürüdürdü. Bu siyasəti genişləndirmək üçün bir neçə hərbi əməliyyata əl atılmışdı. Bu hərbi əməliyyatlardan birincisi Birinci Çin-Yaponiya müharibəsi idi. Bu müharibənin nəticəsi olaraq Asiyada regional dominantlıq Çindən Yaponiyaya keçib. Yaponiyanın Çinə hücumu da ABŞ da daxil olmaqla bir çox ölkəni narahat edirdi. Bu hadisələrdən sonra baş verən Pearl-Harbor hücumu haqqında ən maraqlı məlumatları sizin üçün təqdim edirik.

İkinci Dünya Müharibəsi ərəfəsində Yaponiya Avropa və Amerika kimi qlobal iqtisadiyyatda söz sahibi olmağı hədəfləyirdi. Dünyanın əhəmiyyətli torpaqlarına və təbii sərvətlərinə sahib olmağa can atan Yaponiya dünyanın yeni super gücünə çevrilmək istiqamətində uğurla irəliləyirdi. 1930-cu illərə qədər Yaponiya Çin və Rusiya ilə böyük bir mübarizə ilə üzləşdi. 1937-ci ildə Yaponiya Millətlər Liqası tərəfindən Çinlə ikinci müharibəsi ilə bağlı xəbərdarlıq aldı və Liqadan çıxdı.

Yaponiya Almaniya və İtaliya ilə müqavilələr imzaladı və bu da Ox Güclərinin yaradılmasına yol açdı. ABŞ bu Ox Güclərinin yaranmasına reaksiya verdi və Yaponiyaya embarqo tətbiq etdi. Yanacaq embarqosu ilə yanaşı, Panama Kanalını Yapon gəmiləri üçün bağladı. Yanacaq Yaponiyanın hərbi və dəniz gücündə mühüm rol oynadı. Yanacaq tükənərsə, Yaponiya böyük bir uğursuzluqla üzləşə bilərdi. ABŞ və Böyük Britaniya embarqonu bir şərtlə ləğv etməyə söz verdilər: Yaponiya Çinlə müharibədən çıxsa. Yaponiya indiyə qədər qazandığı gücdən imtina etməkdən imtina etdi və müharibədən çəkilmədi. Bundan əlavə, Yaponiya Sakit Okeanda heç bir dövlətin ona mane olmasını istəmədiyi üçün oradakı Amerika donanmasına zərbə vurmaq qərarına gəldi.

Yapon İmperiya Donanması Komandanı Çuiçi Naquma hücum taktikasını iki şəkildə tətbiq etməkdə qərarlı idi. 183 təyyarə ilə ilk dalğa Oahu adasının şimalından, 167 təyyarə ilə ikinci dalğa Oahu adasının şimalına yaxın bir yerdən başlayacaqdı. Təyyarə ilə yanaşı sualtı qayıqlar və kiçik sualtı qayıqlar da hazır vəziyyətdə olacaqdı. 7 dekabr 1941-ci il səhəri Yaponiya Perl-Harbora hücum etdi. Sakit Okean Donanmasına və Perl-Harbora hücum zamanı 2403 Amerika əsgəri və 68 mülki şəxs həyatını itirib.

Pearl Harbora hücum xəbəri Vaşinqtona çatan kimi milli fövqəladə vəziyyət elan edildi.

8 dekabr 1941-ci ildə ABŞ Yaponiyaya müharibə elan etdi və rəsmi olaraq İkinci Dünya Müharibəsinə qoşuldu.

Bu hücum həmçinin ABŞ-da bölünmüş milləti birləşdirdi. Əvvəllər müharibədən uzaq durmağı dəstəkləyən cəmiyyətin seqmentləri də Yaponiyaya müharibə elan edilməsini dəstəklədi.

ABŞ qəzetləri hücumun ABŞ-ı və "yatmış nəhəngin oyandığını" elan edən başlıqlar dərc etdilər.

Bu hadisə həmçinin ABŞ-da heç bir günahı olmayan yaponlara qarşı belə etnik irqçiliyi alovlandırdı. Hücumda iştirak edən pilot və filmlərə mövzu olan təfərrüatlar barədə isə növbəti yazımızda sizə ətraflı məlumat təqdim edəcəyik.

Aynil

"Pearl Harbor" hücumu necə gerçəkləşdi?