Röyanın keçmiş əri müflis oldu

Röyanın keçmiş əri müflis oldu

"Çuda Peçka” mağazalar şəbəkəsi fəaliyyətini tamamilə dayandırıb.

Musavat.com xəbər verir ki, martın 1-də "Çudo Peçka”nın "Nəriman Nərimanov” metrostansiyasının yaxınlığında yerləşən mağazası da qapadılıb. Mağazada fəaliyyət göstərən işçilərə isə maaşları verilməyib.

Əldə etdiyimiz məlumata görə, son günlər "Çudo Peçka”nın rəhbəri Anar Cəlilov şirkətin metronun "Nəriman Nərimanov” stansiyasının yaxınlığında yerləşən mağazasında otururmuş. İcarə haqqını verə bilmədikləri üçün şirkətin əsas ofisi də bir neçə gün öncə qapadılıbmış.

Məlumata görə, Anar Cəlilov son günlər maddi sıxıntılar içərisindəymiş. Bildirilir ki, o, hətta şəxsi ehtiyaclarını ödəməyə belə, pul tapmırmış. Anar Cəlilovun bütün mülklərinin girovda olduğu bildirilir. Aylardır ki, maaş ala bilməyən işçilər məhkəməyə müraciət etsələr də, heç bir nəticə yoxdur. Bildirilir ki, "Çudo Peçka”da çalışan əməkdaşların hər birinə Anar Cəlilovun borcu var. İşçilər maaşını tələb etdikdə isə, o, pulunun olmadığını söyləyir.

Əldə etdiyimiz məlumata görə, "Çudo Peçka”nın bağlanan mağazasının yerində yenidən şirniyyat yeri fəaliyyət göstərəcək. Lakin həmin obyektləri Türkiyə vətəndaşları işlədəcəklər.

Onu da qeyd edək ki, ötən il "Çudo Peçka” mağazalar şəbəkəsi məhkəmə qərarı ilə sabiq iqtisadi inkişaf naziri Heydər Babayevdən alınaraq, şirkətin qurucusu, iş adamı Çingiz Cəlilova qaytarılmışdı (Çingiz Cəlilov, şirkətin rəhbəri Anar Cəlilovun atasıdır).

Belə ki, "Çudo peçka” mağazalar şəbəkəsi 2000-ci ildə Çingiz Cəlilov tərəfindən yaradılıb. Ç.Cəlilov şəbəkəni qurmaq üçün "Bank Standart”dan götürdüyü 2.5 milyon dollar krediti qaytara bilmədiyinə görə kafe-mağazalarda tez-tez yoxlamalar aparılıb, cərimələr tətbiq edilib.

Yekun olaraq Ç.Cəlilov kredit borcunu qaytara bilməyib və MMC-yə daxil olan şəbəkələr "Bank Standart”ın girovluğunda qalıb. Bankın səhmlərinin böyük bir hissəsinin isə sabiq iqtisadi inkişaf naziri Heydər Babayevin olduğu bildirilir. Nəticə olaraq, "Çudo peçka” da son illərdə Heydər Babayevin biznes şəbəkəsinə aid edilirdi.

Mağazalar şəbəkəsi sahibinə qaytarıldıqdan sonra da problemlər düzəlmədi və xeyli sayda işçilər ixtisar olunub, bir neçə mağaza bağlanıldı. Bu ilin fevral ayında isə şəbəkənin "Əhmədli”, "Neftçilər” və "28 May” metrostansiyalarının yaxınlığında yerləşən mağazaları fəaliyyətini dayandırmışdı.

Qeyd edək ki, hazırda fəaliyyəti tamamilə dayandırılan "Çudo Peçka”nın bir zamanlar metronun "İnşaatçılar”, "İçərişəhər”, "Sahil”, "28 May”, "Nəriman Nərimanov”, "Qara Qarayev”, "Əhmədli” və "Neftçilər” stansiyalarının çıxışlarında da kafe-mağazaları fəaliyyət göstərib.

 


OXŞAR XƏBƏRLƏR

Azad edilmiş daha 8 rayona şəxsi maşınla GETMƏK OLACAQ

Vətəndaşların işğaldan azad edilmiş ərazilərə fərdi avtomobillərlə səfərlərinin istiqamətləri genişləndirilir.   Sfera.az xəbər verir ki, bu bar...

Ərdoğan, Tramp, Salman və Şara görüş keçirdi

ABŞ Prezidenti Donald Tramp Suriya administrasiyasının yeni rəhbəri Əhməd əş-Şara ilə görüşüb.   Sfera.az xəbər verir ki, bu barədə “Əl Ər...

Tramp suriyalıları sevindirdi - Sanksiya qərarı coşqu ilə qarşılandı - FOTO -VİDEO

Suriyada küçələr və meydanlar ABŞ Prezidenti Donald Trampın sanksiyaları ləğv etmə qərarından sonra bayram əhval-ruhiyyəsi ilə dolub-daşdı.   Sfera.a...

Günahsız olduğu bilindi - 38 ildən sonra azadlığa buraxıldı - FOTO

1987-ci ildə törədilən qətldə təqsirləndirilərək 38 il həbsdə saxlanılan Böyük Britaniya vətəndaşı 68 yaşlı Piter Sallivanın cinayət hökmü yeni genetik sübutlar...

DİN əməliyyat keçirdi: Saxlanılan var – VİDEO

Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsinin qarşısının alınması məqsədilə...

Bu şəxslərə pulsuz ev veriləcək

Prezident İlham Əliyev "Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən ...