Xəzərdə tapılan meyit müayinə olundu
"Pirsaat daş silsiləsi" ərazisində tapılmış kişi meyiti Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyində müayinə olunub.
Sfera.az xəbər verir ki, bu barədə APA-ya Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyindən məlumat verilib.
Bildirilib ki, aparılmış müayinələr nəticəsində meyiti tapılan şəxsin kimliyi müəyyən olunmayıb.
"Meyitin genetik ekspertizası üçün lazımı materiallar götürülüb. Nəticələr yaxın günlərdə məlum olacaq" - deyə məlumatda qeyd olunub.
Qeyd edək ki, Azərbaycan Respublikası Dövlət Neft Şirkətinin "Azneft" İstehsalat Birliyinin Neft yığım məntəqəsində baş vermiş hadisə ilə əlaqədar bəzi tədbirlər haqqında" Azərbaycan Respublikasının Prezidentinin 16 dekabr 2016-cı il tarixli Sərəncamına əsasən Dövlət Dəniz Admnistrasiyasının Gəmilərin Hərəkətinin İdarəolunması Milli Mərkəzində Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Dəniz Administrasiyası, SOCAR və Azərbaycan Xəzər Dəniz Gəmiçiliyi QSC-nin aparıcı mütəxəssislərindən ibarət tərkibdə yaradılan Qərargah tərəfindən həyata keçirilən axtarış - xilasetmə əməliyyatları nəticəsində fevralın 28 - də dənizin "Pirsaat daş silsiləsi" ərazisində kişi meyiti tapılıb.
