İlham Əliyev Terrakota Ordusu Muzeyi ilə tanış olub – FOTO

İlham Əliyev Terrakota Ordusu Muzeyi ilə tanış olub – FOTO
Cəmiyyət
08:02 / 09.12.2015
135

Çin Xalq Respublikasında dövlət səfərində olan Azərbaycan Respublikasının Prezidenti İlham Əliyev dekabrın 9-da Sian şəhərindəki Terrakota Ordusu (yeraltı heykəllər ordusu) Muzeyi ilə tanış olub.

Bu barədə Sfera.az AzərTac-a istinadən xəbər verir. 

Sian şəhəri Çinin mərkəzində yerləşən Şaansi əyalətinə mənsubdur. Qədim İpək Yolunun üzərində yerləşən bu əyalət zəngin tarixi və mədəniyyəti ilə diqqəti cəlb edir. Bu əyalət Çinin dörd qədim paytaxtından biridir.

Dövlətimizin başçısına əvvəlcə muzeyin yerləşdiyi ərazinin planı barədə məlumat verildi.

Diqqətə çatdırıldı ki, yeraltı heykəllər ordusu 1974-cü ildə kəşf edilib və dünya tarixinin ən önəmli arxeoloji tapıntılarından hesab olunur. 1977-1985-ci illərdə burada iki dəfə arxeoloji qazıntı işləri aparılıb. Tədqiqatlar nəticəsində boyları 1.83 və 1.93 santimetr arasında dəyişən heykəl əsgərlər aşkarlanıb. Heykəllərin özəlliyi onların hər birinin üz ifadəsinin və geyimlərinin fərqli olmasıdır. 

Lakin tapılan heykəllər torpaqdan çıxarılandan sonra üzlərindəki boyalar pozulduğuna və təbii rənglərini dəyişdiyinə görə arxeoloqlar qazıntı işlərini yarımçıq qoymağa məcbur olublar. Çinlilər tərəfindən dünyanın səkkizinci möcüzəsi kimi qəbul edilən terrokota əsgərləri ilə bağlı qazıntı işləri texnikanın və elmin inkişafı nəticəsində 2009-cu ildə yenidən bərpa olunub. 

Qazıntı aparılan ərazidən indiyədək təxminən iki min əsgər heykəli tapılıb. Ərazidə 520 atla 8 min əsgərin, 130 döyüş arabasının, 150 suvari atın olduğu təxmin edilir. Onlar 600-ə yaxın yeraltı çuxurda toplanıb. Çin imperatoru Sin Şi Huangın məzarı da buradadır. Əfsanəyə görə, terrakota ordusu imperator Sin Şi Huangın məzarını qoruyurmuş.

Məlumat verildi ki, 1987-ci ildə UNESCO-nun Ümumdünya İrs Siyahısına daxil edilən terrakota ordusu üç ayrı çuxurda dəfn edilib və çuxurlardan ən böyüyü əsasən piyada əsgərlərin heykəllərindən ibarətdir. Müxtəlif hərbi rütbələri daşıyan hərbçilər dövrün ən qabaqcıl döyüş nizamına və strategiyasına uyğun şəkildə, döyüş meydanında hazır mövqedə basdırılıblar.

Çuxurların birində imperatorun mərasim batalyonu öz nizamı düzülüşü ilə diqqəti cəlb edir. Əsgərlərin yanında o dövrə aid təxminən 10 min bürünc silah da var.

Bu muzey Çin tarixini, həmçinin o dövrə məxsus texnologiya, incəsənət və mədəniyyəti öyrənmək və tədqiq etmək üçün əvəzsiz mənbədir. Lakin araşdırmalar hələ də terrakota ordusunun sirrini açmağa kömək etməyib. Qədim məxəzlərdə yazılıb ki, imperator Sin Şi Huang dövrünün görkəmli dövlət xadimi olaraq Çin ərazilərini vahid dövlətdə birləşdirən lider kimi tarixə düşüb. 

Bəzi mənbələr Çin səddinin inşasına başlanmasının da onun adı ilə bağlı olduğunu bildirir. Tarixçi Si Maqian isə yazır ki, bu məzarın inşası 30 il davam edib və tikintidə 700 min insan işləyib.

İmperatorun ordunu dəfn etdirmək üçün niyə Sian ərazisini seçməsinin də maraqlı tarixçəsi var. Tarixçilər hesab edirlər ki, imperator Li Şan adlı dağı o dövrün məşhur fəlsəfəsi ilə əlaqələndirib. Məhz buna görə özünün də burada dəfn olunmasını əmr edib. İmperatorun məzarı yerin 36 metr dərinliyindədir və o, inanırdı ki, daş heykəllərdən ibarət terrakota ordusu onu öldükdən sonra da qoruyacaq.

Prezident İlham Əliyev terrakota ordusunda təmsil olunan və müxtəlif rütbələrdə olan hərbçilərin heykəllərinə də baxdı.

Dövlətimizin başçısına qazıntı işləri zamanı ərazidən tapılan bürünc silah nümunələri barədə məlumat verildi.

Qeyd edək ki, il ərzində bu muzeyə dünyanın müxtəlif yerlərindən minlərlə turist gəlir. Onlar dünya tarixinin və mədəniyyətinin bu əvəzolunmaz incisi ilə tanış olmaq, onu öz gözləri ilə görmək istəyirlər.

Sonra xatirə şəkli çəkdirildi.

Prezident İlham Əliyev muzeyin xatirə kitabına ürək sözlərini yazdı.


OXŞAR XƏBƏRLƏR

İlham Əliyev Davosda Çin telekanalına müsahibə verdi

Azərbaycan Respublikasının Prezidenti İlham Əliyev Dünya İqtisadi Forumunda iştirak etmək üçün yanvarın 20-də İsveçrə Konfederasiyasına səfərə gəlib.   ...
Siyasət
20:30

Putin Trampı təbrik etdi

Rusiya Prezidenti Vladimir Putin ABŞ Prezidenti Donald Trampı andiçmə mərasimi və səlahiyyətlərinin icrasına başlaması münasibətilə təbrik edib.   Sf...
Dünya
20:00

Evdə köhnə telefonu olanlara ŞAD XƏBƏR

Bugünkü texnologiyanın sürətli inkişafı ilə bir çox insan köhnəlmiş və istifadəsiz qalan smartfonlarını sadəcə atır. Lakin, köhnə telefonlar əslində çox müxtəli...
Maraqlı
19:43

Ənvər Həsənovun son durumu açıqlandı

Xalq artisti Ənvər Həsənovun vəziyyəti stabildir.   Sfera.az xəbər verir ki, bu barədə TƏBİB-dən bildirib.   Məlumata görə, iki gün bundan...
Cəmiyyət
19:30

“Dərnəgül”dən gələn qatarlar “Xətai”yə kimi hərəkət edəcəklər”

“Prezident İlham Əliyevin “Bakı Metropoliteni” QSC qarşısına qoyduğu mühüm vəzifələrdən biri sıxlığın azaldılması istiqamətində tədb...
Cəmiyyət
19:05

Azərbaycan Bolqarıstana qaz nəqlini bərpa etdi

2025-ci il yanvarın 21-də Ermənistanın xarici işlər naziri Ararat Mirzoyan Moskvaya işgüzar səfər edəcək.   Sfera.az xəbər verir ki, bu barədə Erməni...
İqtisadiyyat
18:50

SON XƏBƏRLƏR

20:30

İlham Əliyev Davosda Çin telekanalına müsahibə verdi
20:00

Putin Trampı təbrik etdi

19:43

Evdə köhnə telefonu olanlara ŞAD XƏBƏR
19:30

Ənvər Həsənovun son durumu açıqlandı
19:05

“Dərnəgül”dən gələn qatarlar “Xətai”yə kimi hərəkət edəcəklər”
18:50

Azərbaycan Bolqarıstana qaz nəqlini bərpa etdi
18:45

Azərbaycan xalqının acısını ürəkdən paylaşıram
18:20

Mirzoyan sabah Moskvaya gedir
18:14

Trampın həyat yoldaşı Melaniya da öz kriptovalyutasını buraxdı

18:00

Bakıda gənc ana itkin düşdü
17:51

Trampın andiçmə mərasimində Brüsseli Aİ-nin ABŞ-dəki səfiri təmsil edəcək
17:43

ETSN kollektivi Şəhidlər xiyabanını ziyarət etdi - FOTOLAR
17:38

DTX və XİN Fərid Səfərli ilə bağlı birgə MƏLUMAT YAYDI
17:35

“Fənərbağça” braziliyalı futbolçu ilə anlaşdı
17:28

AZAL-ın təyyarəsini vurmaq əmrini kim verib? - EKSPERT AÇIQLADI
17:21

Ararat Mirzoyan sabah Moskvaya gedəcək
17:12

Narkotikin təsiri altında avtoxuliqanlıq edən şəxs həbs olundu - VİDEO
17:04

İspaniya Kuboku: "Barselona" və "Real"ın rəqibi bəlli oldu
16:55

Filippin sahillərində zəlzələ baş verdi
16:48

Tanınmış aktyorun maşınında doğranmış qadın meyiti tapıldı
16:40

"Zəlzələ peyğəmbəri" TARİX VERDİ: "Türkiyədə yenidən 7 bal gücündə..."
16:40

“Rusiyaya qarşı sanksiyalar yumşaldıla bilər” - “Reuters”
16:30

Əhval-ruhiyyəni yaxşılaşdırmaq üçün beyin implantı sınaqdan keçiriləcək
16:20

Azərbaycan Ordusunda 20 Yanvar faciəsinin ildönümü ilə əlaqədar tədbirlər keçirildi
16:12

Xəstəxanaya yerləşdirilən Ənvər Həsənovun vəziyyəti necədir?
16:06

Ombudsman Səbinə Əliyeva və Aparatın kollektivi Şəhidlər xiyabanını ziyarət etdi

16:00

Kamaləddin Qafarov: “Azərbaycan-Gürcüstan əməkdaşlıq əlaqələri mühüm önəm daşıyır”
15:56

Prezident İlham Əliyev 20 Yanvarla bağlı paylaşım etdi
Bütün xəbərlər