Azərbaycan və Meksika müdafiə sənayesi sahəsində təcrübə mübadiləsini müzakirə ediblər
10:40 / 08.02.2017
1001
Fevralın 7-də Meksikanın Azərbaycandakı səfiri Rodriqo Labardini ilə müdafiə sənayesi naziri Yavər Camalov arasında görüş olub.
Sfera.az xəbər verir ki, səfirlikdən Trend-ə verilən məlumata görə, görüşdə ikitərəfli münasibətlər, əməkdaşlığın genişlənməsində hər iki ölkə səfirliklərinin rolu və müxtəlif sahələrdə əlaqələr müzakirə olunub.
Tərəflər müdafiə sənayesi sahəsində mümkün təcrübə mübadiləsi, həmçinin, Meksika və Azərbaycanın təşkil etdiyi müvafiq beynəlxalq sərgilərdə iştirakdan söz açıblar.
Səfir R.Labardini Meksikada elektron sənayesinin inkişafını qeyd edib. Görüşün sonunda tərəflər əməkdaşlığın qurulması və inkişaf etməsində maraqlı olduqlarını ifadə ediblər.
