Stadionda türk bayrağı açdı, həbs olundu - FOTO

Fevralın 5-də İngiltərə Çempionşipində baş tutan "Haddersfild" - "Lids" matçında (2:1) qalmaqal yaşanıb. 

Milli.Az qafqazinfo-ya istinadən xəbər verir ki, qalmaqala meydan sahiblərinin azarkeşlərindən birinin tribunada Türkiyə bayrağı açması səbəb olub.

Belə ki, "Lids"in azarkeşləri bu hadisədən sonra tribunada qalmaqal salmağa başlayıblar. Polis dərhal həmin azarkeşi stadiondan kənarlaşdıraraq həbs edib, bayrağı isə müsadirə edib.

Xatırladaq ki, "Lids" azarkeşlərinin Türkiyə ilə xoş olmayan xatirəsi var. Belə ki, 2000-ci ilin aprel ayında UEFA Kubokunun yarımfinal mərhələsinin "Qalatasaray" - "Lids" oyununu izləmək üçün İstanbula gələn iki ingilis azarkeş yerli fanatlarla münaqişə zamanı bıçaqlanaraq öldürülmüşdü.