İranın Ali Milli Təhlükəsizlik Şurası atəşkəsi təsdiqlədi

İranın Ali Milli Təhlükəsizlik Şurası İsraillə atəşkəs rejiminin qüvvəyə minməsi barədə qərarını elan edib. 

Sfera.az xarici mediaya istinadən xəbər verir ki, rəsmi bəyanata əsasən, Şura İsrail və onun tərəfdarlarına qarşı “döyüş əməliyyatlarının dayandırılmasına dair milli qərar” qəbul edib.

Açıqlamada İran silahlı qüvvələrinin “düşmənin vəhşiliyinə alçaldıcı və nümunəvi cavab” verdiyi qeyd olunub. Eyni zamanda Tehran qarşı tərəfdən atəşkəs rejimini pozacaq istənilən hərəkətə “qəti və çəkindirici cavabla” reaksiya verməyə hazır olduğunu bəyan edib.

Qeyd edək ki, atəşkəslə bağlı rəsmi açıqlamanı isə ABŞ Prezidenti Donald Tramp verib. O, çərşənbə axşamı baş tutan mətbuat konfransında İsrail və İran arasında atəşkəsin qüvvəyə mindiyini bildirib.

Fidan Hacızadə
Sfera.az