Bu həftə ilin ilk Ay tutulması hadisəsi baş verəcək
13:49 / 07.02.2017
869
Bu ilin ilk Ay tutulması hadisəsi fevralın 11-də baş verəcək.
Report xəbər verir ki, məlumatı Azərbaycan Milli Elmlər Akademiyası yayıb.
Məlumata görə, elm adamları bununla bağlı xəbərdarlıq ediblər.
Alimlər bildiriblər ki, bu kosmik hadisəsinin ardınca səmada "Yeni il kometası” adlandırılan 45R kometası görünəcək. Bu zaman o, Yer kürəsinə maksimal yaxın məsafəyə yaxınlaşacaq.
Ay tutulması Günəş, Yer kürəsi və Ayın bir xətt üzrə düzülməsi, yəni Yerin Ay və Günəş arasında olduğu an baş verəcək. Ay Yerin kölgəsinə daxil olanda tam, yarımkölgəsinə daxil olanda isə yarımçıq tutulur. Təbiət hadisəsini Avropa, Afrika və Qərbi Asiya sakinləri müşahidə edə biləcəklər.
Xatırladaq ki, Ay tutulması Bakı vaxtı ilə saat 02:34-də başlayacaq, saat 04:43-də maksimumda olacaq, saat 06:51 başa çatacaq.
