Yol kənarında meyvə-tərəvəz satanlar cərimələnəcək

Sumqayıtda piyadaların təhlükəsiz hərəkəti üçün nəzərdə tutulan səkinin böyük hissəsi zəbt edilib. Həmin səkinin əksəriyyəti meyvə-tərəvəz satışı üçün istifadə edilir. 

Piyadaların yolunu kim və hansı səbəblə kəsib? 

Sfera.az xəbər verir ki, bu ticarətlə məşğul olanlar isə özlərinə haqq qazandırmağa çalışıblar:

"Bu gün malımız çox olub. Dərhal yığışdırırıq, müvəqqəti olan satış idi".

Məsələ ilə bağlı Sumqayıt şəhər İcra Hakimiyyətindən bildirildi ki, bu bu yolverilməzdir. Dəfələrlə xəbərdarlıq edirik, bu kimi hadisələrin qarşısını alırıq. 

İcra Hakimiyyətinin nümayəndəsi onu da bildirdi ki, həmin şəxslər hüquq-mühafizə orqanları tərəfindən cərimələniblər. Onun sözlərinə görə, oxşar halların baş verməməsi üçün ərazi daimi nəzarətdə saxlanılacaq.