Xameneidən Trampa CAVAB: "Bərpası olmayacaq..."

İranın ali dini lideri Ayətullah Əli Xamenei ABŞ-yə sərt xəbərdarlıq edib.

Sfera.az bu barədə xarici mediaya istinadən xəbər verir. 

O bildirib ki, ABŞ İsraillə birlikdə Tehrana qarşı hər hansı təcavüzkar addım atacağı təqdirdə, “bərpası mümkün olmayan ziyan”la üzləşəcək. 

“İrana, xalqına və tarixinə bələd olan müdrik insanlar bu ölkə ilə heç vaxt təhdid dilini işlətməzlər, çünki İran xalqı heç vaxt təslim olmayacaq. Amerikalılar bilməlidirlər ki, hər hansı hərbi müdaxilə nəticəsində ABŞ, şübhəsiz ki, bərpası mümkün olmayan ziyana uğrayacaq”, – deyə Xamenei xalqa müraciətində bildirib.

Ayətullah Xameneinin bu sərt çıxışı ABŞ Prezidenti Donald Trampın daha əvvəl Tehranı “şərtsiz təslim olmağa” çağıran açıqlamalarına cavab kimi qiymətləndirilir. İranın ali liderinin mətbuat xidməti Trampın bəyanatlarını “gülünc ifadələr” kimi təqdim edib.

Fidan Hacızadə
Sfera.az