Messi Azərbaycanı belə təbrik etdi - VİDEO

Minifutbol üzrə dünya çempionatında tarixi uğura imza atan Azərbaycan millisi dünya futbolunun ən tanınmış simalarından biri tərəfindən təbrik edilib.

Sfera.az xəbər verir ki, argentinalı ulduz Lionel Messi Azərbaycan komandasının çempionluğunu xüsusi olaraq qeyd edib.

Tanınmış futbolçunun təbriki ictimaiyyətə azərbaycanlı iş adamı Adnan Əhmədzadənin paylaşımı vasitəsilə məlum olub. Messi dünya çempionu olan komandamızın qələbəsini təqdir edib və bu uğurun böyük əhəmiyyət daşıdığını vurğulayıb.

Xatırladaq ki, minifutbol üzrə dünya çempionatının final mərhələsi Bakıda – Milli Gimnastika Arenasında keçirilib. Finalda Azərbaycan Macarıstanı 4:2 hesabı ilə məğlub edərək dünya çempionu adını qazanıb. Bu, ölkə tarixində minifutbol üzrə ilk belə böyük nailiyyətdir.