Süni intellektin ən böyük yeniliyi AÇIQLANDI
2024-cü ildə elm dünyasında süni intellektin biotexnologiyaya gətirdiyi ən böyük yeniliklərdən biri baş verib.
Sfera.az xəbər verir ki, tədqiqatçılar “ESM3” adlı süni intellekt modelindən istifadə edərək təbiətdə mövcud olmayan, amma təbii zülallara bənzəyən yeni bir yaşıl floresan zülal “esmGFP” yaradıblar.
Bu zülal təxminən 500 milyon il ərzində təkamül keçirmiş təbii zülallara bənzər xüsusiyyətlərə malikdir və təbiətdə mövcud olan ən yaxın zülal ilə 58% oxşarlıq göstərir. Alimlər süni intellektin belə mürəkkəb bioloji strukturların dizaynında əvəzsiz rol oynadığını və biotexnologiyada yeni imkanlar açdığını bildirirlər. Bu kəşf gələcəkdə dərman preparatlarının hazırlanması, molekulyar diaqnostika və biotexnoloji məhsulların inkişafı sahələrində inqilabi dəyişikliklərə səbəb ola bilər.
Fidan Hacızadə
Sfera.az
