ADNSU dünyanın nüfuzlu reytinq agentliyinin auditində ən yüksək göstərici ilə qiymətləndirildi -FOTO

ADNSU dünyanın nüfuzlu reytinq agentliklərindən biri olan “Quacquarelli Symonds” (QS) tərəfindən keçirilən “QS Stars” auditində mükəmməlliyə görə mümkün olan ən yüksək göstərici – 5 ulduzla qiymətləndirilib.

Sfera.az xəbər verir ki, bununla bağlı ADNSU-nun rektoru Rüfət Əzizov sosial şəbəkə hesabında paylaşım edib.

Qeyd edilib ki, audit ümumilikdə 9 fərqli kateqoriya üzrə aparılıb. ADNSU bu kateqoriyalardan 7 istiqamət – tədris, akademik inkişaf, təchizat, beynəlxalq əlaqələr, məşğulluq, ətraf mühitə təsir və idarəetmə sahələri üzrə maksimal nəticə göstərərək 5 ulduz alıb:

“Yüksək nəticə münasibətilə ADNSU əməkdaşlarını təbrik edirəm! Bu onların davamlı əzmkar fəaliyyətinin nəticəsidir! ADNSU tələbələrini təbrik edirəm! Artıq beynəlxalq səviyyədə keyfiyyət göstəriciləri təsdiq olunmuş universitetin tələbələrisiniz!”