Nadirin "Avroviziya"dakı çıxışı zamanı əli sınıq imiş

"Avroviziya 2022" təmsilçilərimizdən olan Nadir Rüstəmlinin müsabiqədəki çıxışı zamanı əli sınıq imiş.

Sfera.az xəbər verir ki, bu barədə müğənni "Ötən günlər" verilişində bildirib. O, əlinin sınıq olmasını isə İtaliyadan qayıtdıqdan sonra öyrəndiyini açıqlayıb:

"Avroviziya"dakı çıxışım zamanı əlim sınıq idi. Qırıq əllə ifa edirdim. Bakıda məşq vaxtı əlimi sındırmışdım, amma özümün də xəbərim yox idi. Ağrı var idi, amma elə bilirdim ki, zədələnib. Yarışmadan qayıdandan sonra rentgen etdirdim. Həkim dedi ki, əlin iki yerdən sınıb və sonra bitişib". (Axsam.az)