Avropa Rusiyadan LNG alışını azaldıb - Rəqəmlər
Rusiyanın mayeləşdirilmiş təbii qazının (LNG) Avropa İttifaqına tədarükü ilin əvvəlindən 2024-cü ilin eyni dövrü ilə müqayisədə 2,4% azalaraq 7,5 milyard kubmetr təşkil edib.
Sfera.az Teleqraf-a istinadən xəbər verir ki, bu barədə Avropa analitik mərkəzi "Bruegel" məlumat yayıb.
Ötən ilin yanvar-aprel aylarında Aİ-nin Rusiyadan LNG idxalı təxminən 7,8 milyard kubmetr təşkil edib. Bu ilin aprel ayında Rusiyadan Avropaya 1,88 milyard kubmetr həcmində LNG tədarük edilib.
ABŞ-dən (ABŞ və Trinidad və Tobaqo) Aİ-yə LNG tədarükü apreldə mart ayı ilə müqayisədə 7,6% artaraq rekord həddə - 8 milyard kubmetrə çatıb. Yanvar-aprel aylarında Avropanın bu ölkələrdən qaz idxalı 23% artaraq 27,4 milyard kubmetrə yüksəlib.
2025-ci ilin ilk dörd ayında Afrikadan Avropaya 7,2 milyard kubmet, Yaxın Şərqdən isə 4,8 milyard kubmetr LNG ixrac edilib.
