Paşinyanın reytinqi azaldı

"Ermənistan Baş naziri Nikol Paşinyanın reytinqi əvvəlki aylara nisbətən geriləyib". 

Sfera.az xəbər verir ki, bunu siyasi ekspert Məhəmməd Əsədullazadə deyib.

Onun sözlərinə görə, xüsusilə, Gümrüdə müxalifətin mer seçkilərində qalib olması 2026-ci il seçkilərində ciddi problemlərlə üzləşə bilər:

“Gümrüdə kommunist partiyası mer seçkilərində qalib gəlib. Bu onu göstərir ki, N. Paşinyanın partiyası Ermənistanın ikinci böyük şəhərində məğlub olub. "Gallub" şirkətinin keçirdiyi sorğulara uyğun olaraq "Mülki müqavilə" partiyası 11,5 faiz, Robert Koçaryanın lideri olduğu “Ermənistan” bloku 8% səs toplayıb. Serj Sarkisyanın lideri olduğu “Şərəfim var” bloku  3,7 faiz səslə müxalifətdən cüzi olaraq üstünlük əldə edib.

Müxalifət fəaliyyətini genişləndirib. Rusiya Ermənistanda müxalifətə ciddi siyasi dəstək verir.  Lakin müxalifətin birləşməməsi N. Paşinyanın şanslarını artırır. R. Koçaryan və S. Sarkisyan partiyalarının arasında fikir ayrılıqları var. Tərəflərin ayrı-ayrılıqda seçkilərə getməsi gözlənilir”. 

M.Əsədullazadə qeyd edib ki, əgər, müxalifət dağınıq halda seçkiyə gedəcəksə, Paşinyanın növbəti seçkilərdə qələbə əldə etməsi mümkündür.

Firuzə Əliyeva

Sfera.az