"Adam niyə həyat yoldaşını təqdim edəndə üzr istəsin?"

"Stəndapla çox məqamlara toxundum. O şeylərə ki, illərlə məni narahat edib".

Sfera.az xəbər verir ki, Əməkdar artist Dilarə Əliyeva "Yol yoldaşı" verilişində deyib. O, evli cütlüklər arasındakı münasibətdən danışıb:

"Bir adam 40 yaşına qədər subay qalarsa, qohum-əqraba, ana-ata düşür əl-ayağa ki, "adına söz çıxacaq, niyə evlənmirsən? Ayıbdır, insan içinə çıxa bilmirik". Amma evləndi, xanımını tədim edəndə "üzr istəyirəm, həyat yoldaşımdır" deyir. Buradakı "üzr istəyirəm" nədir? Adam niyə həyat yoldaşını təqdim edəndə üzr istəsin? Dünya belə yaranıb. Üzr istəməli yerdə bu, heç ağlımızın ucundan keçmir".