RusiyaOlesnya qəsəbəsini yenidən ələ keçirdi
Rusiya Müdafiə Nazirliyi Ukrayna qoşunlarının Rusiya ərazisinə daxil olduğu Kursk vilayətindəki Olesnya qəsəbəsinin yenidən Rusiya ordusunun nəzarətinə keçdiyini açıqlayıb.
Sfera.az xarici mediaya istinadən xəbər verir ki, nazirliyin yaydığı rəsmi bəyanatda “Şimal Hərbi Qrupu bölmələrinin aktiv hərəkətləri nəticəsində Olesnya qəsəbəsi azad edilib” ifadəsinə yer verilib.
Açıqlamada, Rusiya qüvvələrinin Kursk bölgəsində Ukrayna hərbçilərinə qarşı hücumlarını davam etdirdiyi bildirilib. Nazirlik əlavə edib ki, Ukrayna ordusu 2024-cü ilin avqust ayından bu yana Kursk istiqamətində 75 170 hərbçi, 411 tank, 335 piyada döyüş maşını, 307 zirehli transportyor və 2 280 müxtəlif növ zirehli texnika itirib.
Qeyd edək ki, 6 avqust 2024-cü ildə Ukrayna əsgərləri Rusiyanın nəzarətində olan Kursk bölgəsinə daxil olduqdan sonra tərəflər arasında intensiv qarşıdurmalar başlayıb və bu toqquşmalar hələ də davam edir.
Fidan Hacızadə
