Göydəniz Qəhrəmanov Ümummilli liderə həsr olunmuş kitabının təqdimatında - FOTOLAR
"YAP Yasamal rayon təşkilatında ümummilli lider Heydər Əliyevin anadan olmasının 101 illiyinə həsr olunmuş, xalq artisti, professor Zamiq Əliyevin müəllifi olduğu “Səhnəarxası görüşlər” kitabının təqdimat mərasimində iştirak etdik".
Sfera.az xəbər verir ki, bunu millət vəkili Göydəniz Qəhrəmanov bildirib. Deputat YAP Yasamal rayon təşkilatına təşəkkürünü çatdıraraq deyib:
"Tədbirdə YAP Yasamal rayon təşkilatının sədri Bəxtiyar Nəbiyev, Yasamal RİH başçısının birinci müavini Hüseyn Əfəndiyev, YAP İdarə Heyətinin üzvü Vazeh Əsgərov, millət vəkilləri Aydın Mirzəzadə və Vüqar Rəhimzadə, Bakı Biznes Universitetinin rektoru İbad Abbasov, BDU-nun Tarix fakültəsinin dosenti Azad Rzayev, xalq artisti Zamiq Əliyev, Azərbaycan Nar istehsalçıları və İxracatçıları Assosiasiyasının sədri Fərhad Qaraşov, ictimaiyyət nümayəndələri və media iştirak edirdi.
“Səhnəarxası görüşlər” əsəri ümummilli lider Heydər Əliyevin sənət xadimləri ilə keçirdiyi görüşlərdəki səmimiliyi, analitik düşüncəsi və dərin dövlətçilik baxışını əks etdirən unikal xatirələr toplusudur. Bu nəşr təkcə keçmişə baxış deyil, həm də gələcək nəsillərə ötürüləcək qiymətli örnəkdir. Zamiq müəllimi bu gözəl təşəbbüs münasibətilə təbrik edirəm".
