ABŞ son 24 saatda İsrailə böyük miqdarda silah və sursat daşıyıb
Son 24 saatda ABŞ hərbi hava qüüvələrinə aid doqquz yük təyyarəsi Fələstin torpaqlarının cənubundakı Nevatim hərbi bazasına böyük miqdarda silah və sursat daşıyıb.
Sfera.az xəbər verir ki, bu haqda İsrail Yayım Korporasiyası (KAN) məlumat yayıb.
Nevatim bazasına gətirilən və bunkerlərin partladılmasında istifadə olunan yüzlərlə xüsusi raketin ABŞ və İran arasında aparılan danışıqların nəticəsiz qalması halında ABŞ-ın İranın nüvə obyektlərinə hücumu üçün göndərildiyi iddia edilir.
Bu raketlərin ABŞ-ın Avropa və Yaxın Şərqdəki bazalarından İsrailə göndərildiyi bildirilir.
“The New York Times“ (NYT) qəzeti dərc etdiyi xəbərdə İsrail administrasiyasının bu ilin may ayında İranın hərbi bazalarına və nüvə obyektlərinə zərbələr endirməyə hazırlaşdığını, lakin ABŞ prezidenti Donald Trampın Tehranla danışıqlar üçün bu variantı əvvəlcə dəstəkləmədiyini iddia edib.
