Vanqanın yeni proqnozu üzə çıxdı - Bu ilin iyul ayı və 5 il sonra...
Yaponiyalı manqa yazıçısı (həm yazıçı, həm də rəsam ola bilən, yapon üslubunda şəkilli hekayələr yaradan sənətçidir - red.) Ryo Tatsuki illər öncə verdiyi qeyri-adi proqnozlarla yenidən gündəmdədir.
Sfera.az “Japan Today” nəşrinə istinadən xəbər verir ki, “Yapon Baba Vanqa” kimi tanınan Tatsuki 1999-cu ildə nəşr etdiyi “Mənim Gördüyüm Gələcək” adlı komiksində (illüstrasiyalardan ibarət qrafik hekayə formasıdı) 2020-ci ildə dünyanı bürüyəcək təhlükəli virus haqqında xəbərdarlıq etmişdi.
Tatsuki komiksində “Təxminən 2020-ci ildə naməlum bir virus ortaya çıxacaq və aprel ayında zirvəsinə çatacaq” sözlərini yazıb. Bu qeydlər 2020-ci ildə baş verən Covid-19 pandemiyası ilə tam uyğunluq təşkil edir. Pandemiya bütün dünyaya yayılaraq milyonlarla insanın ölümünə səbəb oldu, karantinlər və sərt qapanmalar yalnız 2022-ci ildən etibarən aradan qalxdı.
Yazıçının daha bir diqqətçəkən proqnozu isə gələcək illərlə bağlıdır. Tatsuki komiksində qeyd edir ki, virus bir müddət yox olacaq, lakin təxminən 10 il sonra, yəni 2030-cu ildə yenidən ortaya çıxacaq. Bu, yeni pandemiyanın başlaya biləcəyi ehtimalını artırıb.
Ümumdünya Səhiyyə Təşkilatı (ÜST) da bu ehtimalları nəzərə alaraq gələcək pandemiyalara qarşı hazırlıqların gücləndirilməsi üçün addımlar atır. Hazırda quş qripi (H5N1), qızılca, mpox və Ebola kimi xəstəliklər bir çox ölkələrdə ciddi narahatlıq doğurur.
Tatsukinin proqnozlarının “15 illik dövrə” üzrə baş verdiyi iddia olunur. Bu isə o deməkdir ki, əgər 2030-cu ildə virusun geri dönüşü baş verməsə, təhlükə 2045-ci ilə qədər təxirə düşə bilər.
Tatsukinin komiksində yer alan digər narahatedici proqnoz isə 2025-ci ilin iyul ayında baş verəcək böyük sunami ilə bağlıdır. Yazıçının bu təbii fəlakəti də yuxularında gördüyü və kağıza köçürdüyü bildirilir.
Qeyd edək ki, Tatsuki daha əvvəl məşhur müğənni Freddie Mercury və Princess Diananın ölümünü də əvvəlcədən proqnozlaşdırıb. Onun yuxular vasitəsilə gələcəyi görməsi və bunları manqa şəklində təsvir etməsi illərdir maraqla izlənir.
Elm adamları bu cür proqnozlara skeptik yanaşsalar da, bəzi mütəxəssislər gələcək pandemiyalar və təbii fəlakətlərə qarşı hazırlıqlı olmağın vacibliyini xatırladırlar.
Fidan Hacızadə
