Putin və Qətər Əmiri Moskvada görüşəcək
Kreml Qətər Dövlətinin Əmiri Şeyx Təmim bin Həməd Əl Sani ilə Rusiya Prezidenti Vladimir Putin arasında Moskvada yüksək səviyyəli görüş keçiriləcəyini açıqlayıb.
Sfera.az xarici mediaya istinadən xəbər verir ki, Kreml sözçüsü Dmitri Peskovun sözlərinə görə, görüşdə iki ölkə arasındakı ticarət əlaqələri ilə yanaşı, Ukrayna-Rusiya müharibəsi və regional məsələlər müzakirə olunacaq.
Peskov bildirib ki, Rusiya və Qətər liderləri arasında Ukrayna məsələsi ilə bağlı mütləq fikir mübadiləsi aparılacaq. O, həmçinin Qətərin regional böhranların həllində oynadığı rolun önəmini vurğulayıb:
“Region münaqişə potensialı ilə doludur. Qətər bir çox situasiyanın həllində böyük və mühüm rol oynayır”.
Qeyd edək ki, Putin və Əl Sani sonuncu dəfə iyul ayında Qazaxıstanın paytaxtı Astanada keçirilən Şanxay Əməkdaşlıq Təşkilatının Zirvə toplantısı çərçivəsində görüşüblər.
Bəsti Rəfizadə
