Azərbaycan birinci rübdə 1,7 milyard dollarlıq qızıl alıb
Azərbaycan dövləti 2025-ci ilin birinci rübü ərzində xaricdən təxminən 1,7 milyard dollar dəyərində qızıl alıb.
Sfera.az Dövlət Gömrük Komitəsinin məlumatlarına istinadən xəbər verir ki, qızıl idxalına çəkilən xərc cəmi idxalın 30 faizini təşkil edib.
Müqayisə üçün bildirək ki, 2024-cü ilin birinci rübündə qızıl idxalı 12 milyon dollar səviyyəsində olmuşdu.
Qeyd edək ki, Azərbaycan 2024-cü ilin ikinci yarısından böyük miqdarda qızıl alışını həyata keçirir. Böyük miqdarda alınan qızıl Dövlət Neft Fondunun ehtiyatları üçün nəzərdə tutulur. 2024-cü ildə təxminən 3,3 milyard dollar dəyərində qızıl alınıb.
2025-ci ilin yalnız birinci rübündə isə artıq 1,7 milyard dollarlıq qızıl idxal edilib.
Dövlət Neft Fondu ehtiyatlarının 25 faizini qızıl şəklində saxlayacaq. Bu nisbəti təmin etmək üçün qızıl idxalı davam etdirilir.
Vasif
