Mask Trampın müşavirini təhqir etdi: "O bir torba daşdan..."
"Tesla"nın sahibi və Hökumət Effektivliyi Departamentinin (DOGE) rəhbəri İlon Mask ABŞ Prezidenti Donald Trampın ticarət müşaviri Peter Navarroya sərt sözlər söyləyib.
Mask sosial media platforması "X"də etdiyi paylaşımda Navarro haqqında “moron” (axmaq)" ifadəsini işlədərək onu bir torba daşdan daha axmaq adlandırıb.
Sfera.az xarici mediaya istinadən xəbər verir ki, Ağ Ev sözçüsü Karoline Leavitt bu mübahisə ilə bağlı açıqlama verib. O açıqlamasında Mask və Navarronun ticarət və tariflər mövzusunda fərqli baxışlara sahib olduqlarını qeyd edib. Leavitt mübahisəni "kişilərin hər zamanki vəziyyəti” kimi qiymətləndirib və onların ictimaiyyət qarşısında mübahisələrinə imkan verəcəklərini bildirib.
Navarro müsahibəsində "Tesla"nın avtomobil hissələrinin müxtəlif ölkələrdən gətirilərək ABŞ-də birləşdirildiyini və Maskı bir “avtomobil istehsalçısı yox, montajçısı” adlandırmışdı. Mask isə bu açıqlamaya “Həqiqətən bir axmaq” deyə cavab vermişdi. Ağ Ev sözçüsü insanların “tarixdəki ən şəffaf hökumətə sahib olduqlarına görə minnətdar olmaları lazım olduğunu” vurğulayıb.
Bəsti Rəfizadə
