Şimali Koreya nüvə silahına möhtacdır - "O, bizi işğal riskindən qoruyur"
Şimali Koreya lideri Kim Çen İnin bacısı və Koreya İşçi Partiyası Mərkəzi Komitəsinin Sədr müavini Kim Yo-Jong ABŞ, Yaponya və Cənubi Koreyanın nüvə silahsızlanma çağrışlarına sərt cavab verib. Kim Yo Çyon Şimali Koreyanın “nüvə silahları dövləti” statusunun qanunla təmin edildiyini və bunun məcburi və qəti bir seçim olduğunu vurğulayaraq “Seçimlərimizi heç vaxt dəyişməyəcəyik” deyib.
Sfera.az xarici mediaya istinadən xəbər verir ki, Kim Yo Çyon Şimali Koreyanı nüvə silahlarından təmizlənməsi məqsədini “imkansız bir xəyal” olaraq qiymətləndirib və bunun həm praktiki, həm də nəzəri olaraq gerçəkdən uzaq olduğunu bildirib.
O, ABŞ və müttəfiqlərinin bu mövzudakı çağrılarını “düşmən hərəkətlərin ən böyüyü” kimi dəyərləndirib.
Kim, Şimali Koreyanın nüvə gücünün ölkə üçün həyati əhəmiyyət daşıdığını, işğal riski və təhdidləri qorumaqla yanaşı, bölgədə və dünyada güc tarazlığını təmin etdiyini qeyd edib. O, ABŞ, Yaponya və Cənubi Koreyanın təhlükəsizlik narahatlıqlarını həll edəcək tək həll yolunun status-kvonu dəyişdirmək üçün birtərəfli təşəbbüslərdən imtina etmək olduğunu bildirib.
Bəsti Rəfizadə
