Saxta həkim 7 nəfərin ölümünə səbəb oldu
Hindistanın Madhya-Pradeş əyalətində saxta həkim 7 nəfərin ölümünə səbəb olub.
Sfera.az “The Times of İndia” nəşrinə istinadən xəbər verir ki, “həkim” tərəfindən ürək əməliyyatı olunan 15 nəfərdən 7-si yanvar-fevral ayları ərzində həyatını itirib.
Damoh rayonunda fəaliyyət göstərən və “Narendra Con Camm” adı ilə tanınan şəxs əslində həkim deyilmiş. Məsələ ilə bağlı rəsmi orqanlar bildiriblər ki, həmin şəxs tibbi əməliyyatlar üçün tələb olunan sənədləri təqdim edə bilməyib.
Polisin verdiyi açıqlamada onun əsl adının Narendra Vikramaditya Yadav olduğu və saxta tibbi sənədlər hazırlamaq, bu sənədlərlə insanları aldatmaq və zərər vermək ittihamları ilə saxlanıldığı qeyd olunub.
Keçmiş müşavi Rajendra Prasad Şuklanın da 2006-cı ildə Yadav tərəfindən əməliyyat olunduğu və həmin əməliyyatdan sonra həyatını itirdiyi iddia olunub. Bu barədə onun oğlu Pradeep Shukla açıqlama verib. Hadisə ilə bağlı istintaq başladılıb və şübhəli şəxs saxlanılıb.
Fidan Hacızadə
