İlon Mask vəzifəsindən azad edilə bilər - Ümidləri doğrultmur

ABŞ Prezidenti Donald Trampın Hökumət Səmərəliliyi Departamentinin (DOGE) rəhbəri olan İlon Maskı vəzifəsindən azad edəcəyi iddia olunur. 

Sfera.az xəbər verir ki, ABŞ mediasında yayılan məlumatlara əsasən, Tramp Maskın vəzifəsindən ayrılacağını kabinet üzvlərinə və yaxın ətrafına bildirib.

Hətta bu məsələdə Maskla ortaq razılığa gəlindiyi də deyilir.

Mask federal xərclərin azaldılması və müxtəlif dövlət qurumlarının yenidən qurulması işlərinə rəhbərlik edirdi. Xüsusilə müdafiə və kosmos layihələrində özəl sektorun inteqrasiyasını sürətləndirməkdə mühüm rol oynayan Mask, şirkətlərindəki sıx iş cədvəlinə diqqət yetirmək üçün bu qərarı aldığı iddia edilib. Ağ Ev və Mask hələlik bu barədə rəsmi açıqlama verməyib.

Bəsti Rəfizadə