Bakıda 400 minlik maşın əks istiqamətdə sürülərək təhlükə yaratdı - VİDEO
400 min manat dəyərində olan, 10 NR 100 dövlət qeydiyyat nişanlı Land Rover markalı avtomobilin sürücüsü, Bakı şəhərinin məşhur Babək prospektində əks istiqamətə hərəkət edərək yol hərəkətinin təhlükəsizliyini ciddi şəkildə pozub.
Sfera.az bildirir ki, hadisə yollarda sıx hərəkətin qeydə alındığı zaman baş verib. Görüntülərdən bəlli olur ki, sürücü normalda yalnız bir istiqamətdə hərəkətə icazə verilən yolda ciddi təhlükə yaradaraq əks istiqamətə sürətini artırıb.
Qeyd edək ki, bu cür hərəkətlər digər sürücülər və piyadalar üçün ciddi risklər yaradır. Avtomobil sahiblərinin və sürücülərinin, digər vətəndaşların təhlükəsizliyini nəzərə alaraq daha məsuliyyətli davranmaları vacibdir.
Onu da xatırladaq ki, sözügedən avtomobil bundan əvvəl də yol hərəkət qaydalarını pozmaqla "məşhurlaşıb". Belə ki, bir neçə il öncə 10 NR 100 dövlət qeydiyyat nişanlı avtomobilin sürücüsü hərəkətin intensiv olduğu yolda əks istiqamətə çıxaraq qadağan olunmuş fifa siqnalından istifadə edib. Bu barədə görüntülər sosial mediada geniş müzakirələrə səbəb olub, qınaqla qarşılanıb.
İnci
