Son günlər mövsümi soyuqdəymə və qrip hallarında artım müşahidə edilir. Belə olan halda isə əksər mütəxəssislər xəstələrə çoxlu vitamin tərkibli meyvə yeməyi məsləhət görür.

Sfera.az lent.az-a istinadən bildirir ki, soyuqdəymə və qrip hallarından qorunmaq üçün bol vitamin tərkibli meyvələrin başında kivi gəlir. C vitaminilə zəngin olan kivi bir çox xəstəliyə də faydalıdır. Aparılan araşdırmalar zamanı kivinin infeksiyalar və soyuqdəymə hallarına qarşı müsbət təsir etdiyi məlum olub.

- Bu meyvəni yeyən şəxslər uzun müddət xəstələnmir.
 
- Xüsusilə böyüməkdə olan uşaqların kivi yeməsində çox fayda var.
 
- C, eyni zamanda A, E  vitaminləri ilə də zəngin olan kivi xərçəngə yoluxma riskini azaldır.
 
- Tərkibindəki lif qəbizliyin qarşısını alır.
 
- Təzyiq və xolesterolu aşağı salır.
 
- Qrip, soyuqdəymə, hətta astma xəstəliyinə də faydalıdır.  
 
- Gündə azı iki dənəsini yemək lazımdır.