Livan İsrailə raket hücumu etdi

Bu səhər Livandan İsrailin şimalındakı Metula qəsəbəsinə raket hücumu həyata keçirilib. 

Sfera.az “Haber Global”nəşrinə istinadən xəbər verir ki, İsrail Müdafiə Qüvvələrinin (IDF) yaydığı məlumatda bildirilən məlumata əsasən raketlər hava hücumundan müdafiə sistemləri tərəfindən zərərsizləşdirilib.

Hadisənin ardından İsrailin Baş Qərargah rəisi general Eyəl Zamir vəziyyətlə bağlı qiymətləndirmə iclası keçirib. IDF-nin açıqlamasında İsrailin bu hücuma sərt cavab verəcəyi vurğulanıb.

Qeyd olunur ki, bu, dekabr ayından bəri Livandan İsrailə edilən ilk raket hücumudur. Hücumla bağlı Hizbullah tərəfindən hələlik heç bir açıqlama verilməyib.

Fidan Hacızadə