Çin İsrailə çağırış etdi: “Qəzzadakı hücumları dayandırın”
Çinin BMT-dəki nümayəndəsi Sun Zhiqiang BMT Təhlükəsizlik Şurasının Fələstin-İsrail münaqişəsinə həsr olunmuş iclasında beynəlxalq ictimaiyyətə çağırış edib.
Sfera.az “Haber Global”a istinadən xəbər verir ki, o, iki dövlətli həll planının reallaşdırılması üçün siyasi prosesin sürətləndirilməsinin vacibliyini vurğulayıb.
Sun Zhiqiang çıxışında İsrailin yenidən hücumlara başlamasının atəşkəs razılaşmasının tamamilə pozulmasına səbəb olduğunu bildirib. Onun sözlərinə görə, bu vəziyyət daha çox insan itkisinə və dağıntılara yol açır.
Çinli diplomat İsrailə Qəzzada hücumları dayandırmaq çağırışı edərək qeyd edib ki, atəşkəsin davamlı şəkildə həyata keçirilməsi üçün zəmanətçi ölkələr ədalətli və məsuliyyətli davranmalı, üç mərhələli razılaşmanın tam icrası üçün zəruri addımlar atmalıdırlar.
Fidan Hacızadə
sfera.az
