Trampdan Zelenski ilə telefon danışığı haqda açıqlama

ABŞ Prezidenti Donald Tramp Ukrayna lideri Volodimir Zelenski ilə apardığı telefon danışığı haqda açıqlama verib.

Sfera.az xəbər verir ki, Ağ Ev rəhbəri bu barədə “Truth Social” sosial şəbəkəsində yazıb.

Tramp bildirib ki, söhbət bir saata yaxın davam edib.

“Söhbətin çox hissəsi Rusiya və Ukraynanın tələb və ehtiyaclarını əlaqələndirmək üçün Prezident Putinlə dünənki söhbətə əsaslanırdı. Biz çox yaxşı irəliləyiş əldə edirik və mən dövlət katibi Marko Rubio və milli təhlükəsizlik üzrə köməkçisi Maykl Ualtsdan müzakirə olunan məsələləri dəqiq təsvir etməyi xahiş edəcəyəm. Bu bəyanat tezliklə dərc olunacaq”, - Tramp bildirib.