Somalidə prezidentin korteji partladılıb: Ölənlər var

Somalidə “Əş-Şəbab” terror qruplaşması ölkə prezidenti Həsən Şeyx Mohamudun (Mahmud) kortejini partladıb.
 

Sfera.az xəbər verir ki, partlayış prezidentin korteji sarayını tərk edərək Moqadişu hava limanına doğru hərəkət etdikdən sonra baş verib.
 

Qeyd olunur ki, insident Moqadişuda Somalinin prezident sarayının yaxınlığındakı El-Qaabta qovşağında baş verib. Orada partlayış olub.


Hüquq-mühafizə orqanları partlayış nəticəsində ölənlərin olduğunu bildirib. Hadisə yeri təhlükəsizlik qüvvələri tərəfindən mühasirəyə alınıb.
 

Somalinin milli təhlükəsizlik müşaviri Hüseyn Şeyx Əlinin sözlərinə görə, prezident təhlükəsizdir və hazırda müxtəlif bölgələrdə vacib işlərə nəzarət etmək üçün ölkəni gəzir.