Cinayətkarı süni intellekt proqramı ilə tapdılar - FOTO

İngiltərədə 27 il ərzində qaçaq yaşayan və uşaq istismarı cinayətləri ilə axtarılan Riçard Burrovs, süni intellekt dəstəyi ilə üz tanıma texnologiyası sayəsində Taylandda yaxalanıb. Polislər Burrovsun fotosunu süni intellektlə işləyən üz tanıma proqramı "PimEyes" vasitəsilə axtarıblar. Axtarış zamanı Burrovsun əvvəlki üz cizgilərinin Taylandın Puket adasında Peter Smit ad və soyadı ilə yaşayan bir ingilis mühacirinin üz cizgilərinə uyğun gəldiyi müəyyən edilib.

Sfera.az Türkiyə mediasına istinadən xəbər verir ki, araşdırmalar zamanı Burrovsun gənc bir Taylandlı ilə yük konteynerində yaşadığı və saxta şəxsiyyətlərdən istifadə edərək uzun illər qaçaq olduğu üzə çıxıb.

80 yaşında olan Burrovs, 1968-1995-ci illər arasında Cəzirə, Vest Midlands və Vest Mercia bölgələrində 24 oğlan uşağını sistematik şəkildə cinsi istismara məruz qoyub. O, izci rəhbəri olduğu dövrdə uşaqlarla etibar quraraq onlara qarşı cinsi təcavüz həyata keçirib.

1997-ci ildə məhkəməyə çıxarılmasına baxmayaraq, sərbəst buraxılan Burrovs, saxta şəxsiyyətlə Taylanda qaçaraq burada mühacir mühitində rahat həyat sürüb. Lakin yaşlılıq və sağlamlıq problemləri ilə üzləşən Burrovs, Taylanddakı dostlarına vida edərkən “artıq musiqi ilə üzləşmə zamanı gəldi” deyərək öz kimliyini etiraf edib. Bu etirafdan sonra başlanan araşdırmalar nəticəsində Burrovsun həqiqi şəxsiyyəti üzə çıxıb və o, Taylandda tutularaq İngiltərəyə gətirilib. Məhkəmədə Burrovs, uşaqlara qarşı cinsi istismar, qeyri-etik hücum və saxta şəxsiyyət istifadə etmək kimi 54 cinayətdə təqsirli bilinib.

1997-ci ildən bəri qaçaq həyat sürən Burrovsun gələn ay məhkəmədə ömürlük həbs cəzası ala biləcəyi gözlənilir. Süni intellekt dəstəyi ilə üz tanıma texnologiyasının istifadəsi, uzun illərdir qaçaq olan cinayətkarların yaxalanmasında mühüm bir dönüş nöqtəsi kimi qiymətləndirilib.

Bəsti Rəfizadə