Bu canlı "İlin balığı" mükafatı aldı
Bir vaxtlar "dünyanın ən çirkin heyvanı" adlandırılan “blobfish” (lələk balığı) bu il Yeni Zelandiyada "İlin balığı" mükafatını qazanıb.
Sfera.az “The Guardian” nəşrinə istinadən xəbər verir, okeanın dərinliklərində yaşayan bu unikal növ, uzun üzgəcli ilanbalığı və cücə dəniz atını geridə qoyaraq ön plana çıxıb. “Blobfish” Yeni Zelandiya və Avstraliya sahillərində yüksək təzyiqli dəniz dərinliklərində yaşayır və bu çətin həyat şərtlərinə uyğunlaşa biləcək fərqli anatomik quruluşa malikdir.
Bədən formaları suyun sıxlığından daha az ağırlığa malik olduğundan, dəniz dibinin üzərində süzülə bilmək üçün jelə bənzər bir quruluşa sahibdirlər. Bu növ skelet, əzələ və pulcuqlardan məhrumdur, üzmə kisəsi əvəzinə özünəməxsus forma ilə hərəkət edir.
Fidan Hacızadə
