İran BMT-ni təhdid etdi: "Ciddi nəticələri olacaq"

İran Birləşmiş Millətlər Təşkilatının (BMT) Təhlükəsizlik Şurasına məktub göndərərək, ABŞ Prezidenti Donald Trampın Tehrana qarşı ittiham və təhdidlərini rədd edib. İranın BMT-dəki daimi nümayəndəsi Səid İrəvani məktubda ABŞ rəsmilərinin İran əleyhinə “məsuliyyətsiz və təxribat xarakterli” açıqlamalarını qınayıb.

Sfera.az Türkiyə mediasına istinadən xəbər verir ki, məktubda qeyd olunub ki, İranın Yəməndəki husilərə silah tədarük etməsi ilə bağlı ittihamlar əsassızdır və Yəmən qüvvələri müstəqil qərar verirlər.

İran eyni zamanda, ABŞ və Böyük Britaniyanın Yəmənə qarşı hücumlarını bu ölkənin suverenliyinin pozulması kimi qiymətləndirib və BMT Təhlükəsizlik Şurasını lazımi addımlar atmağa çağırıb.

Qeyd edək ki, ABŞ Prezidenti Donald Tramp daha əvvəl husilərin Qırmızı dənizdə İsrailə yük daşıyan gəmiləri hədəf alan hücumlarının İran tərəfindən dəstəkləndiyini iddia etmiş və Tehranı ciddi nəticələrlə hədələmişdi.

Bəsti Rəfizadə