Ay peykinin daxilində nə var? - "Yerə bənzəyir" - FOTOLAR

Ay peykinin daxili quruluşu ilə bağlı illərdir davam edən sirr, son araşdırmalarla nəhayət açılıb. Fransanın Milli Elmi Tədqiqatlar Mərkəzindən (CNRS) astronom Artur Briaudun rəhbərlik etdiyi komanda, Ayın mərkəzində Yer kürəsindəkinə bənzər bir möhkəm dəmir nüvəsinin olduğunu aşkarlayıb.

Sfera.az “En Son Haber” ə istinadən zəbər verir ki, bu tapıntı, Ayın maqnit sahəsinin təkamülü və Günəş sistemi barədə mühüm məlumatlar təqdim edib. 

Ayın daxili nüvəsinin sıxlığı da tədqiqatlar nəticəsində dəqiqləşib. Elmi komanda, əvvəlki Apollo missiyalarında toplanan seysmik məlumatlardan istifadə edərək Ayın daxili quruluşunu incələyib. Lakin bu məlumatların həlli Ayın daxili nüvəsinin vəziyyətini düzgün müəyyənləşdirmək üçün yetərli olmamışdı. Briaud və komandası, fərqli bir yanaşma tətbiq edərək, kosmik missiyalardan və təcrübələrindən əldə olunan məlumatları istifadə edərək Ayın daxili quruluşunun daha dəqiq profilini çıxarıblar.

Bu tədqiqat nəticəsində, Ayın mərkəzindəki daha sıx maddələrin daxilə doğru çökməsi və daha az sıx maddələrin yuxarıya doğru qalxması təsbit edilib. Bu, Ayın vulkanik bölgələrindəki bəzi elementlərin varlığını izah edən bir nəzəriyyəni dəstəkləyib.

Ayın daxili quruluşu, Yer kürəsində olduğu kimi xarici maye, daxili isə möhkəm olan daxili nüvədən ibarətdir. Araşdırma nəticəsində Ayın xarici nüvəsinin diametrinin təxminən 362 kilometr, daxili nüvəsinin isə 258 kilometr olduğu hesablanıb. Daxili nüvənin sıxlığı təxminən 7 822 kiloqramdır və bu, dəmirin sıxlığına çox yaxındır.
Bu tapıntılar, Ayın daxili quruluşu ilə bağlı daha əvvəl edilən tədqiqatları təsdiqləyib. Elmi komandaların bu sahədəki gələcək tədqiqatları, Ayın maqnit sahəsini və daxili quruluşunu daha da yaxşı başa düşməyə kömək edəcək.

Bəsti Rəfizadə