“Starship” uça bilməyib - Mask hələ də ümidlidir

İlon Maska məxsus “SpaceX” şirkətinin “Starship” raketinin 8-ci sınaq uçuşu buraxılışa 40 saniyə qalmış dayandırılıb. 

Sfera.az "Milliyet"ə istinadən xəbər verir ki, “SpaceX”in qurucusu İlon Mask, “X” sosial şəbəkəsindəki paylaşımında sınağın bir-iki günə yenidən keçirilə biləcəyini bildirib. 

Uğursuz uçuşla bağlı ABŞ Federal Aviasiya İdarəsi (FAA) araşdırmalara başlasa da, “Starship”in 8-ci sınaq uçuşunu təsdiqləyib. Ləğvetmə səbəbləri hələ açıqlanmasa da, şirkət növbəti sınaq uçuşuna hazırlaşdığını bəyan edib. 

Qeyd edək ki, yanvarın 16-da baş tutan 7-ci sınaq uçuşu zamanı raket havaya qalxdıqdan qısa müddət sonra parçalanmış, mühərrikdə oksigen və yanacaq sızmasının təzyiqi artırdığı məlum olmuşdu. 

“SpaceX” şirkəti Ay və Mars missiyalarında “Starship” raketlərindən istifadə etməyi planlaşdırır. 

Bəsti Rəfizadə