Babası vəfat etdiyi gün yarışan iştirakçı atasını itirdi

Babası rəhmətə getdiyi gün yarışa çıxan "Səs Azərbaycan"ın iştirakçısı Nofəl Aslanova daha bir itki üz verib.

Sfera.az xəbər verir ki, bu barədə o, özü məlumat yayıb.

"Ən çətini odur ki, dünən mənə dedin: "Nofəl, məni sağalt..." Və... mən səni sağalda bilmədim. Çox çalışdım, amma nə mənim gücüm, nə də həkimlərin gücü buna çata bilərdi... Çox əziyyət çəkdin, Allah günahlarını bağışlasın. Keçən ilin sonunda babamı itirdim, 2025-ci ildə atamı. Ruhlarınız şad olsun. Baba, oğlun yanına gəlir... Sizinlə görüşəcəyim vaxt çatanda səbirsizliklə gözləyəcəyəm.

22:45 - 59 yaş... nə yaş idi ki? Bu şəkil, ən son çəkilən şəklin oldu. Yaxşı ki, nəvənin 40 gününü gördün. Ruhun şad olsun, Allah rəhmət eləsin, ata...", - deyə, Nofəl bildirib.