Oğurlanmış pulla lotereyada yarım milyon avro qazanan evsizlər uduşlarını ala bilmirlər - TƏFƏRRÜATLAR

Ötən günlərdə Fransada iki evsiz şəxsin bank kartını oğurlayaraq lotereya bileti alması və yarım milyon qazanmaları barədə xəbər vermişdik. Qaliblər indi pulu ala bilmirlər.

Sfera.az bildirir ki, tragikomik hekayə Fransanın Tuluza sakini Jan-David E. adlı şəxs polisə müraciət etdikdə onun bank kartının avtomobilindən oğurlandığını bildirməsi ilə başlayıb. Bank dərhal kartı bloklayıb, lakin bundan əvvəl oğrular yaxınlıqdakı mağazada 52,50 avro xərcləməyə nail olublar. Kart sahibi onun kartından kimin istifadə etdiyini və nə aldığını öyrənmək üçün mağazaya gedib.

Kassir zərərçəkənə bildirib ki, evsiz kimi görünən iki nəfər onun kartından siqaret və bir neçə lotereya bileti alıblar.

Biletlər arasında onlardan biri, nağd pul oyunu qalib olub - oğrular 500.000 avro qazanıblar, Onlar uduşlarını geri götürmək üçün Française des Jeuxa getməyə dəvət olunublar.

Amma qaliblər polis tərəfindən saxlanılacağı üçün uduşlarını ala bilmirlər. Kart sahibi kişilərə uduşları bölüşməyi təklif edir.

Bilet hazırda bloklanıb.

Oğurlanmış kartın sahibi Jean-David E, "Əgər vəkilimlə əlaqə saxlamasalar, bilet istifadəyə yararsız olacaq. Bəs niyə barışıq razılaşmasına gəlib onu yarıya bölməyək"-deyə bildirib.

İki evsiz adam əməkdaşlıq edərsə, 250 min avronu, qalanını isə Jan-David E. alacaq. Bu məbləğlə adam 25-15 il müddətlik ipotekasını ödəməyə ümid edir. Amma oğrulardan hələ ki, xəbər yoxdur.

Xanım