"Bu il qurban kəsməyin!" - Kraldan çağırış

Mərakeşin Kralı VI Məhəmməd iqlim dəyişikliyinin yaratdığı quraqlıq və iqtisadi səbəblərdən ölkəsində qurban kəsilməməsini tövsiyə edib. 

Sfera.az xəbər verir ki, Kralın bu mesajını xalqa Mərakeşin dini işlər və vəqflər naziri Əhməd əl-Tövfik dövlət televiziyasında çıxışı zamanı çatdırıb.

 
Ölkə rəhbərliyi olaraq üzərlərinə düşən məsuliyyət və dini vəzifələri asanlaşdırmaq öhdəliyi çərçivəsində ictimaiyyəti bu il qurban kəsməkdən çəkinməyə çağıran mesajda Kral VI Məhəmmədin Mərakeş xalqı adına bu ibadəti yerinə yetirəcəyi bildirilib. Mesajda Qurban bayramının adi mənəvi mənaları və tələbləri ilə qeyd olunacağı da ifadə olunub.

Qeyd edək ki, daha əvvəl də Mərakeşdə bu hal baş verib.1963, 1981 və 1996-cı illərdə insanlardan qurban kəsməkdən çəkinmələri istənilib. 

Bəsti Rəfizadə