Hərbi təyyarə qəzaya uğradı - 46 nəfər öldü

Sudanın Omdurman şəhərində hərbi təyyarə qəzaya uğrayıb.

Sfera.az xarici KİV-ə istinadən xəbər verir ki, qəza nəticəsində 46 insan həlak olub. Ölənlər arasında həm hərbçilər, həm də mülki şəxslər var.

Məlumata görə, təyyarə Vadi Seydna aviabazasının yaxınlığında qəzaya uğrayıb. O, yaşayış binalarının yanına düşüb, bir neçə binaya ziyan dəyib.

Qəzanın səbəbləri ilə bağlı rəsmi açıqlama verilməyib. Hərbi mənbələr Reuters agentliyinə təyyarənin çox güman ki, texniki səbəblərə görə qəzaya uğradığını bildiriblər. Ölənlər arasında əvvəllər Sudanın paytaxtı Xartumda ordu komandiri vəzifəsində çalışmış general-mayor Bəşir Əhməd də var.

Firuzə Əliyeva