“DeepSeek”ə giriş bərpa edildi - Tətbiqi yükləmək mümkün olacaq
Üç həftəlik fasilədən sonra Çinin “DeepSeek” şirkəti süni intelekt tətbiqinin proqramlaşdırma interfeysinə (API) girişi yenidən açıb.
Sfera.az xatırladır ki, “DeepSeek” şirkəti süni intellekt proqramının yüklənməsini üç həftə öncə dayandırmışdı. Buna səbəb Çinin süni intelekt proqramına tələbin artmasıdır. Şirkət bunu nəzərə alaraq proqramın daha geniş istifadəçi maraqlarına uyğunlaşdırmağa qərar verib.
Təkmilləşmədən sonra “DeepSeek” yenidən istifadəyə açıq vəziyyətə gətirilib.
Qeyd edək ki, “DeepSeek” hazırda dünyada populyar olan ABŞ-nin “OpenAI” şirkətinin süni intelekt proqramının - “ChatGPT”nin əsas rəqibidir.
Onu da bidirək ki, son aylarda yeni-yeni süni intelekt proqramları hazırlanır. Yenilərdən biri də “Alibaba Group Holding Ltd”-nin “QwQ-Max” proqramıdır.
Ekspert rəylərinə görə, yaxın gələcəkdə süni intelekt proqramlarının sayı artacaq və bu sahədə rəqabət daha da genişlənəcək.
Vasif
