Tramp Azərbaycanda işləmiş şəxsi onunla əvəzlədi


Tramp Azərbaycanda işləmiş şəxsi onunla əvəzlədi

ABŞ Prezidenti Donald Tramp hind əsilli ekspert Pol Kapuru dövlət katibinin Cənubi Asiya üzrə müavini vəzifəsinə irəli sürüb. Pol Kapur yeni vəzifəsində Donald Lunu əvəz edəcək. Donald Lu vaxtilə ABŞ-ın Azərbaycandakı səfirliyində də çalışıb, təxminən bir il ərzində səfiri əvəz edib, müvəqqəti işlər vəkili olub. Donald Lunun hazırki vəzifədə səlahiyyət müddəti 17 yanvar 2025-ci ildə bitib.

 

Sfera.az xəbər verir ki, bu barədə politoloq Elxan Şahinoğlu bildirib.

 

O, yeni təyinatın nədən xəbər verdiyini belə izah edib.

 

"Pol Kapur Cənubi Asiya üzrə mütəxəssis sayılır. O, məşhur Stenford Universitetinin nəzdindəki Huver İnstitutunun aparıcı əməkdaşıdır. Onun təhqiqat sahəsinə Əfqanıstan, Banqladeş, Butan, Hindistan, Qazaxıstan, Maldiv, Nepal, Pakistan, Şri-Lanka, Tacikistan, Türkmənistan və Özbəkistan daxildir. Kapur 2020-2021-ci illərdə Dövlət Departamentinin Cənubi və Mərkəzi Asiya, o cümlədən Hind-Sakit okean bölgəsi, ABŞ-Hindistan münasibətlərinin siyasətini müəyyənləşdirən planlaşdırma şöbəsində çalışıb. Kapur ABŞ Müdafiə Nazirliyi üçün də bu mövzularda hesabatlar hazırlayıb. Maraqlıdır ki, Tramp hind əsilli ekspertin mühüm vəzifəyə namizədliyini Hindistanın Baş naziri Narendra Modi ilə görüşdən sonra irəli sürüb. Pol Kapur ABŞ-ın Hindistanla sıx tərəfdaşlığını dəstəkləyir, Pakistanın siyasətinə isə münasibəti tənqididir. Bu baxımdan Kapurun dövlət katibi və prezident üçün hazırlayacağı hesabatlar ABŞ-Pakistan münasibətlərinə təsir edə bilər.

 

Yeni təyinat ondan xəbər verir ki, Tramp administrasiyası Cənubi və Mərkəzi Asiya bölgəsi ilə əməkdaşlığa diqqəti azaltmayacaq. Dövlət katibinin bölgə üzrə keçmiş müavini Donald Lu tez-tez bölgəyə səfər edərək, Mərkəzi Asiya ölkələrinin ABŞ-la müxtəlif sahələrdə əməkdaşlıq imkanlarını araşdırırdı. Məhz Donald Lunun təklifi ilə dəyəri 25 milyon dollar olan "Mərkəzi Asiya İqtisadi Davamlılıq Təşəbbüsü" irəli sürülmüşdü. Aydındır ki, Donald Tramp bu cür layihələri maliyyələşdirməyəcək. Eyni zamanda dövlət katibinin yeni müavini Pol Kapur ABŞ-ın bölgədə maraqlarının təmin edilməsi və Amerikaya gəlir gətirəcək ortaq layihələrin reallaşdırılması imkanlarını araşdıracaq. Bu çərçivədə Tramp administrasiyasının Cənubi və Mərkəzi Asiya ölkələrinə hərbi texnika satışı da mümkündür.

 

Vaşinqton Pol Kapur vasitəsilə Çini Cənubi və Mərkəzi Asiyada sıxışdırmaq üçün yollar arayacaq".

 


OXŞAR XƏBƏRLƏR

Güləşçimiz Avropa çempionuoldu

Azərbaycanın sərbəst güləşçisi Giorgi Meşvildişvili Slovakiyanın paytaxtı Bratislavada keçirilən Avropa çempionatında qızıl medal qazanıb.   Sfera.az...

“QHT işi” üzrə daha 2 nəfər həbs olundu

“QHT işi” üzrə daha 2 nəfər cinayət məsuliyyətinə cəlb olunub. Sfera.az xəbər verir ki, Gəncə Regional İcma Mərkəzinin rəhbəri Asəf Əhmədov və so...

Leyla Əliyeva Əminəni belə təbrik etdi - FOTOLAR

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva qızı Əminəni ad günü münasibətilə təbrik edib.  ...

Fidan: Ərdoğan və Tramp qısa zamanda görüşəcəklər

Türkiyə Prezidenti Rəcəb Tayyib Ərdoğanın ABŞ Prezidenti Donald Trampla görüşü liderlərin öz iradələrini bəyan etdikləri məsələdir.   Sfera.az x...

Azərbaycan - Türkiyə əməkdaşlığı və gələcək inkişaf perspektivləri müzakirə edilib

Azərbaycan və Türkiyə arasında əməkdaşlıq və gələcək inkişaf perspektivləri müzakirə edilib   Sfera.az xəbər verir ki, bu barədə elm və təhsil naziri...

25 yaşlı kişidə Stiven Hokinqə bənzər xəstəlik aşkar edildi

Bu ilin fevral ayında 25 yaşlı Texas sakini Maykl Stouna motor neyron xəstəliyinin ən çox yayılmış forması olan amiotrofik yanal skleroz (ALS) diaqnozu qoyulub....