Ələtdə inşa ediləcək karqo hava limanının vaxtı açıqlandı

Ələt İqtisadi Zonasında yük (karqo) hava limanının tikintisi 2026-cı ilin sonunda tamamlanması planlaşdırılır.

Sfera.az xəbər verir ki, bu barədə Report-a Ələt Azad İqtisadi Zonasının (ƏAİZ) Səlahiyyətli Qurumunun İdarə Heyətinin sədri Valeh Ələsgərov bildirib.

Onun sözlərinə görə, artıq yük hava limanının tikintisinə başlanılıb: “Bu hava limanı Azərbaycanın iqtisadiyyatı və qonşu ölkələr üçün mühüm üstünlüklər yaradacaq. Eləcə də geniş xidmətlər göstərəcək".

V. Əsgərov qeyd edib ki, layihə çərçivəsində hava limanı 750 hektardan çox ərazini əhatə edəcək: "İlkin mərhələdə hava limanının illik 500 min ton yükdaşıma gücünə malik olması nəzərdə tutulur. Növbəti mərhələdə isə bu göstəricinin 1,5 milyon tona çatdırılması planlaşdırılır".