Tramp hər ölkəyə ayrı rüsum tətbiq edəcək
ABŞ Prezidenti Donald Tramp hər ölkəyə ayrıca idxal rüsumunun tətbiq edilməsini doğru hesab edir.
Sfera.az xəbər verir ki, dünən Tramp ABŞ-nin ticarət tərəfdaşları üçün geniş tarif planını açıqlayıb. Tramp deyib ki, ölkələrə tarifləri tətbiq edən zaman ölkələrdəki vergi güzəştləri, əlverişli qaydalar və subsidiyalar nəzərə alınacaq. Onun sözlərinə görə, hansı ölkələrdə güzəştlər və dövlət dəstəyi çoxdursa, həmin ölkələrdən idxal olunan mallara daha yüksək idxal rüsumu tətbiq olunacaq.
Bu prinsipə uyğun olaraq Braziliya, Hindistan, Yaponiya, Kanada və Avropa İttifaqı əlavə tariflərlə üzləşə bilər.
“Mən ədalət naminə qarşılıqlı tariflər tətbiq etmək qərarına gəldim, yəni ölkələrin ABŞ-yə tətbiq etdiyi vergilərin eynisini biz də tətbiq edəcəyik. Çox vaxt bizdən qat-qat çox vergi toplayırlar, amma o günlər geridə qalıb”, - deyə Tramp bildirib.
Ağ Evin açıqlamasına əsasən qarşılıqlı tariflər aprelin 2-dən etibarən qüvvəyə minəcək.
Vasif
