Cennifer Qarner nişanlısını Ben Afflekə görə atmağa hazırdır?
Amerikalı aktrisa Cennifer Qarner keçmiş əri Ben Affleklə "ikinci raund" üçün "baş direktor olan sevgilisini atmaqdan imtina edir".
Sfera.az bildirir ki, Qarner və Afflek Cennifer Lopezdən boşandıqdan sonra birlikdə çox vaxt keçirirdilər. Lakin ulduzlara yaxın mənbələr Qarnerin Afflek ilə romantikasını yenidən alovlandırmadığını təkid edirlər.
3 övlad anası olan 52 yaşlı aktrisanın CEO Con Miller ilə hazırkı münasibətindən razı olduğu bildirilir.
"Con və Cen yaxşı gedir" - deyə mənbə Millerin Afflek ilə güclü münasibətində təhlükə hiss etdiyi ilə bağlı son şayiələri rədd edib.
Mənbənin sözlərinə görə, cütlüyün yaxın adamları heç bir problem eşitməyiblər.
Miller hətta 2025-ci ilin əvvəlində dağıdıcı Los Anceles meşə yanğınları başlamazdan əvvəl Qarnerin yaxınlığında bir ev almağı düşünüb.
"Con onun evində çox vaxt keçirir. O, hətta bəzən səhərlər Cenifferi yola salmaq üçün maşın sürür" - deyə mənbə qeyd edib.
Qeyd edək ki, Miller “CaliGroup”un rəhbəridir. Bu yaxınlarda onun Ceniffer və Ben arasındakı yaxın münasibətdən narahat olduğu bildirilirdi.
Qarner, Ben Afflekin Lopezdən boşanması zamanı ona çox dəstək olub, Miller bunu bəyənməyib. O, nişanlısının ailəsi ilə keçmiş sevgilisi arasında qalmaq məcburiyyətində olmasından məmnun deyil.
Aynil
