Hər an partlaya bilərdi: Uşaq parkının altından 176 bomba tapıldı - FOTO

İngiltərədə uşaq parkının altından içərisində partlayıcı maddələr olan 150-dən çox İkinci Dünya Müharibəsi bombası tapılıb. Yerli hakimiyyət isə bunun son olmadığını və daha çox mərmi ola biləcəyini bildirib.


Sfera.az bildirir ki, uşaq meydançasının keçmiş hərbi poliqonda yerləşdiyi məlum olub.
 

İndiyədək Nortumberlend ştatının Wooler şəhərindəki Scotts Parkda İkinci Dünya Müharibəsindən qalma 176 bomba tapılıb. Bombalar tikinti işləri zamanı tapılıb.
 

Northumbria Polisi bildirib ki, ilk dəfə yanvarın ortalarında - köhnə minaatan mərmisi tapılıb.
 

Tikinti işləri yenidən başlayanda isə daha çox mərmi aşkarlanıb. Daha sonra Müdafiə Nazirliyi ərazini tam tədqiq edib və orada hər birinin çəkisi 5 kq olan 65 bomba aşkar edib. Ertəsi gün ərazilər genişləndirilib və daha 90 bomba tapılıb.


Yerli səlahiyyətlilər, tapılan mərmilərin canlı olmadığı üçün praktiki bomba adlandırıldığını, lakin onların hələ də döyüş başlıqlarını daşıdığını, qoruyucuların və içindəkilərin bütöv halda tapıldığını, məhz buna görə də hər an partlaya biləcəyini qeyd ediblər.
 

Qazıntıların yaxın bir neçə həftə ərzində davam edəcəyi gözlənildiyi üçün parkda daha çox bomba aşkar ediləcəyi güman edilir.
 

Polis həqiqətən də çətin vəziyyət olduğunu vurğulayıb.
 

"Biz bütün parkın yalnız üçdə birini təmizlədik və hələ də yeni bombaların olduğu başqa bir çuxur tapa bilərik" - deyə hüquq-mühafizə orqanları bildirib.

Aysel