"Biz hazırıq, lakin ABŞ Ukrayna müharibəsindən istifadə edərək..." - Rusiyadan SƏRT MÖVQE

“Rusiya Ukrayna ilə bağlı danışıqlara hazırdır”.

Sfera.az bildirir ki, bunu Rusiya Xarici İşlər Nazirliyinin MDB ölkələri üzrə ikinci departamentinin rəhbəri Aleksey Polisçuk deyib. 

“Rusiya tərəfi real təkliflərə açıqdır və ciddi müzakirələrə hazırdır. Hələlik konkret təkliflər daxil olmayıb”, - o qeyd edib. Polisçukun sözlərinə görə, Vaşinqton Ukrayna böhranında əsas oyunçu olaraq qalır: “Bu ölkə münaqişədən qlobal gücünü artırmaq üçün istifadə edir, eyni zamanda məsuliyyəti avropalı tərəfdaşların üzərinə atmaqla xərcləri azaltmağa çalışır”.

Aleksey Polisçuk qeyd edib ki, Rusiya tərəfi Ukraynanın neytral statusu və onun demilitarizasiyası ilə bağlı 2022-ci il sazişlərinə əsaslanan konstruktiv təkliflərə açıqdır: “Eyni zamanda Ukrayna rəhbərliyinin legitimliyi ilə bağlı hüquqi məsələlərin həlli zəruridir”.

Qeyd edək ki, NATO-nun Baş katibi Mark Rutte alyansın Rusiya Prezidenti Vladimir Putinlə Ukrayna ilə bağlı danışıqlar üçün gizli taktika hazırladığını bildirib. O, münaqişənin sülh yolu ilə həllinin yalnız Rusiyanın iştirakı ilə mümkün olduğunu vurğulayıb.

Günay